ЭЗЫСЬ ШОР

Тулыс, тулыс! Кыпыд гор!
Восьтін синтӧ, вильыш шор,
Эшкын улын узин дыр, —
Кыдз нӧ тэысь гаж эз быр!

Припев:
Зиль-зёль, зиль-зёль,
Зили-зёль!
Тиль-тёль, тиль-тёль,
Тили-тёль!

Видза олан, эзысь шор!
Виччысим тэ садьман кор.
Кывтны-катны дасьтім пыж, —
Песышт китӧ, веськӧд мыш.

Припев.

Ваыс зарни дзирдӧн тыр,
Шоркӧд ворсыштам лунтыр.
Зиль-зёль, зиль-зёль, тили-тёль, —
Босьтіс шорӧс паськыд ёль.

Припев.