ВИДЗА ОЛАН, КОМИ МУӦЙ1. Югыд шонді кымӧр сайсянь Зарни дзирдӧн койыштіс. Енэж мегыр — ӧшкамӧшка Эжва вомӧн воськовтіс. Припев: Видза олан, зарни шонді! Видза олан, Эжва ю! Видза олан, ӧшкамӧшка! Видза олан, чужан му! 2. Эзысь гыа Эжва юысь Ӧшкамӧшка юӧ ва. Тайӧ мичсӧ чужан мулысь Сьыланкывйӧ сюркняла. Припев: 3. Зарни шонді нимкодясьӧ, Ӧшкамӧшка нюмъялӧ! Енмыс талун Коми мулы Шуда олӧм козьналӧ. Припев: Видза олан, зарни шонді! Видза олан, Эжва ю! Видза олан, ӧшкамӧшка! Видза олан, чужан му! Видза олан, гулыдъягӧй! Видза олан, паськыд нюр! Видза олан, Коми муӧй! Тэысь мичаыс оз сюр!
