ГАЖА МИЯН ЧЕЛЯДЬ САД

1. Миян сиктын, шӧрас моз,
Дзолюкъяслӧн шоныд поз.
Сьылӧм-дзользьӧм кылӧ пыр.
Гажа садйыс шудӧн тыр.

Припев:
Лӧсьыд, долыд миянлы,
Колипкайлӧн пиянлы.
Татчӧ локны быдӧн рад
Гажа миян челядь сад.

2. Гажаа ми олам тан:
Сьывны, ворсны велӧдчам,
Серпасавны, мойдчыны,
Сёйысь чача вӧчавны.

Припев:

3. Миян гажа сад йӧрын
Еджыд кыдзьяс быдмӧны.
Кыдз пу дорын дзолюкъяс
Сьылӧны да ворсӧны.

Припев:

4. Югыд шонді енэжсянь
Дзирсӧ койӧ-нюмъялӧ,
Югыд, вильыш кӧчильӧй
Дзолюкъясӧс ворсӧдӧ.

Припев: