БЫДӦН СОДТӦ ОЛАН МИЧ

1. Миян гажа Одыб сиктын
«Нюмсер» нима шӧрин эм.
Быдмысь войтыр, енбиаяс,
Гажа керка тырыс сэн.

Припев:
Кодкӧ кыӧ, кодкӧ вурӧ,
Кодкӧ серпасалӧ видз,
Кодкӧ сьылӧ, кодкӧ йӧктӧ,
Быдӧн содтӧ олан мич.

2. Коми муын олӧм-вылӧм
Ныв-зон туялӧны пыр.
Пӧль-пӧчнымлӧн ворсӧм-сьылӧм
Чужан сиктын мед оз быр.

Припев:
Кодкӧ вӧр-ва видзысь лоӧ,
Кодкӧ гудӧкасьысь бур,
Кодкӧ небыд чача вурӧ,
Некод весьшӧрӧ оз дур.

3. Шондібанӧй, «Нюмсер» гажӧй,
Быд лун мича мойдӧн тыр.
Сёмайбырӧй, тильган кадӧй,
Миян гажа челядьдыр.

Припев:
Кодкӧ кыӧ, кодкӧ вурӧ,
Кодкӧ серпасалӧ видз,
Кодкӧ йӧктӧ, кодкӧ сьылӧ,
Быдӧн содтӧ олан мич.