ОКАВ МЕНӦ

Лымйӧ, лымйӧ, окав, окав менӧ!
Кыпыд видзӧдласӧн паныдала тэнӧ.
Медым ывла чизыр тӧла, ыркыд,
менам асъя руӧй лӧнь да кыпыд.

Лымйӧ, лымйӧ, окав, окав менӧ!
Кӧдзыд дырйи виччыси ме тэнӧ.
Шондӧдас ӧд, кор тэ лунтыр усян,
кынтӧм муяс вылӧ чӧла пуксян.

Лымйӧ, лымйӧ, окав, окав менӧ!
Турӧб шӧрын йӧктӧдышта тэнӧ.
Сывъясям да бергалыштам вальсын,
воша паськыд пӧлаа лым пасьын.

Лымйӧ, лымйӧ, окав, окав менӧ!
Челядьдырсянь радейта ме тэнӧ.
Банйӧд чужӧмӧс да нюмӧс ӧзты,
аслад мелілунын лолӧс пӧдты.