МУДЕР АНЬЯС

Асланьыс колысь аньяс
кургӧны, быттьӧ каньяс,
сибыдӧсь найӧ, шаньӧсь,
леститчысьӧсь да рамӧсь.

Чужлӧмаӧсь тай сюсьӧн,
вӧчӧны ставсӧ гусьӧн,
олӧны наян думӧн,
кимӧститчӧны нюмӧн.

Дзебсян кӧть ӧдзӧс сайӧ,
пырасны кый ^Кый — змей./^ моз найӧ,
мырддясны нимтӧ, уджтӧ,
мусуктӧ, мӧвптӧ, шудтӧ.

Ёртасьӧны, кор колан,
отсасьны налы волан,
а ковтӧм кӧ налы лоан,
веськодь, кыдзи и олан.

Волысьны накӧд сьӧкыд,
буракӧ, татшӧм рӧкыд,
бурасьны тайӧн колӧ,
ӧтчыд ӧд мортыс олӧ.

Леститчысьӧсь да рамӧсь,
сибыдӧсь найӧ, шаньӧсь,
кургӧны, быттьӧ каньяс,
асланьыс колысь аньяс.