КОДЗУВ

Дзирдалысь кодзув, ме тэнӧ аддзи,
енэжтас вылӧ тэ дорӧ качи.
Тэрыба, повтӧг сибӧдін менӧ,
код тӧдас, ачыд вежӧртін эн-ӧ.

Ытва моз ойдіс муслунӧн сьӧлӧм,
Пӧдлалі ӧдзӧс... Гӧтыра вӧлӧм.
Торйӧдчӧм бӧрын век жӧ тэ матын,
Пыр быттьӧ орччӧн, кӧть абу татӧн.

Ыдждӧдлін менӧ, сӧстӧмӧн шуин,
Кытчӧ нӧ мича лов шыӧс нуин?
Эзысьӧн важ моз лолӧй оз пӧртмась,
Тӧді кӧ эськӧ водзвыв, эг тӧдмась.