МАМЛӦН ЧУЖАНІН

Луза дорӧ менӧ корӧ
мамлӧн шоныд чужанін.
Ачыс мамук Изьва дорын
нэм джын сайӧ олӧ нин.

Абъячойса мича нывкӧд
коркӧ тӧдмасьлӧма бать.
Овны пондӧмаӧсь кыкӧн:
быть нин шоныд позтӧ гарт.

Витӧн быдмим ай-мам дорын.
Налы сьӧкыд вӧлі, дерт.
Енмыс оз пыр мортсӧ дорйы,
мый кӧть вӧч, кӧть горӧн бӧрд!

Кельчиюрса ӧні мамӧ:
пыдди пуктӧ сійӧс йӧз.
Но... лов джынйыс абу тані:
босьтӧма Кулига грезд.

Абъячойса мылькъяс дорӧ
сылӧн муслуныс эз чин...
Корӧ менӧ гӧсьти, корӧ
мамлӧн ылі чужанін.