ЫЛЛАЫСЬ ОН УМ

Алексей Ларионовлы

Шагнита ме тагес,
гортын тон ог ов.
Лызен ветла яге,
бурмедышта лов.

Тшукедче да сылэ
бус кодь посни лым.
Лэбач дзользе-сьылэ,
тулыс ӧктэ вын.

Сынэд ва моз колэ,
сыысь югдэ юр.
Кӧнке ӧмӧй овлэ
мортлы татшем бур?

Шойчча, чышка ньылэм,
нятшка пожэм сир.
Бара банбӧк вылын
кучас ворсны вир.

Тая шуда луныс
ӧзтас менчум нюм.
Оз вед прӧста шуны:
«Ыллаысь он ум».