ВЫЛЬВОСЯ ВОЙ

Выль Во вочаалігӧн долыд.
Тіньгӧ часі, и кыптӧ лолыд.
Повтӧг воськовтан локтан воас.
Эскан, олӧмыд шуда лоас.

Выль во гыалӧ таладорын.
Войбыд пукалан ӧшинь дорын.
Карыс шыалӧ сьылан горӧн.
Аслад синваыд киссьӧ шорӧн.

Лӧня казьтылан «шоныд діяс».
Енэж пасьтала — мича бияс.
Помтӧг усьӧны кусысь киньяс.
Асьныс куньсьӧны мудзӧм синъяс.

Эскан, олӧмыд шуда лоас.
Повтӧг воськовтан локтан воас.
Тіньгӧ часі, и кыптӧ лолыд.
Выль Во вочаалігӧн долыд.