ТЭ МЕ КОДЬ ЖӦ ЗЭВ ӦТКА

Тэ ме кодь жӧ зэв ӧтка,
кыдз лэчкӧ шедӧм пӧтка.
Ми ӧта-мӧдӧс кылам,
пыр сьӧлӧм сёрни кыам.

Ме буретш тэнӧ корси,
и эска, мый эг сорсьы.
Ӧд пыдӧстӧм лӧз синъяс
сідз кыскӧны ас дінас!

Кор мунлін ылі муӧ,
кӧн олӧм дзулькйӧн пуӧ,
ме гажтӧмтчылі ёна.
Тэ меным вывті дона.

Бӧр воин чужан карӧ,
и аддзысим ми бара.
Тэ орччӧн кор, ме — вына
и висьӧмъясысь мына.

Ен сетіс меным ёртӧс,
збой, кыпыд руа мортӧс.
Ми пондам шудлун сьывны
и ӧтув овны-вывны.