ЕНЭЖИЗЛӦН КОЗИНЪЯС

Вайин козин — кык шондіа лун.
Вӧлі енэжыс сы мыйта сэні!
Эм мый казьтывны меным ӧні.
Шоча аддзысьлӧм — чӧскыд ун.

Вайин козин — дыр виччысян мойд.
Сэні лӧзӧдтӧдз уялім ваын.
Пӧттӧдз сёрнитім йӧз син сайын.
Шоча аддзысьлӧм — олӧм войт.

Вайин козин — пельк лэбач кодь шуд.
Ворсім челядькӧд пым лыа вылын.
Кывзім Динкалысь сьӧлӧм сьылан.
Шоча аддзысьлӧм — гажа луд.

Вайин козин — кык кодзулӧсь вой.
Гожся чӧв-лӧнькӧд йитчим лолӧн.
Татшӧм здукъясӧн водзӧ олан.
Шоча аддзысьлӧм пӧдтӧ дой.