ТАРЫТ

Помасис уджалан лунӧй.
Тарыт мем мыйлакӧ шог.
Кадыс пыр ӧтмоза мунӧ,
а олӧм бур либӧ лёк.
Му вылӧ лым чӧла усьӧ.
Матысмӧ чӧд синма вой.
Ӧтнамӧн кысся туй кузя.
Мӧвпъясӧс пыдзралӧ дой.

Мыйлакӧ оз кыскы гортӧ.
Вӧлі кӧ матысса морт,
пыравлі сы дорӧ кортӧг
Рад эськӧ вӧлі мем ёрт.
Чай, гашкӧ, юыштім сыкӧд,
пӧткӧдім сёрниӧн лов.
Кор тайӧ олӧмас кыкӧн,
нинӧмысь быттьӧ он пов.

Керкаяс — ӧтмӧдар боксянь.
Вашъялӧ ӧшиньын би:
«Кодӧс нӧ, кодӧс нӧ корсян?
Виччысьӧны ӧд ныв-пи!
Семьясьыд кындзи нӧ кодлы
колан тэ, йӧюк? Эн бӧрд».
Воськолӧ вочасӧн содӧ,
сыкӧд — и кыпыдлун тшӧтш.