ЮРЙЫВ КОДЗУВ

Енма-муа костын шоча
югнитлывлан, пета воча.
Вӧльнӧй светас ӧтнад кылан
менсьым шытӧг бӧрдысь сьылан.

Мусаникӧй муніс ылӧ.
Видзӧдлас кӧ енэж вылӧ,
сійӧ казялас жӧ ӧні,
кыдзи пӧртмасян тэ сэні.

Шуштӧммисны арся рытъяс.
Гажӧдӧны тэнад дзирдъяс.
Аддзывлытӧм эзысь мичӧн
менӧ ышӧдан да видзан.

Юрйыв кодзув, ӧзйы, ӧзйы,
ыджыд эбӧс йӧзлы вӧзйы.
Аслад кӧдзыд гуся нюмӧн
кокньӧд юрӧс тешкодь думӧн.