ЛАБИЧ ВЫЛЫН

Мыйла сёр арся пӧраӧ
пемыд синъяса войӧ
сьӧлӧм быттьӧкӧ гӧрӧма
некор тӧдлывтӧм дойӧн?

Со нин ас дорӧ корӧны
эзысь кодзувъяс, енэж.
Гашкӧ, бӧрланьӧ кольӧма
гажа олӧмӧй менам?..

Посводз ӧдзӧслӧн дзуртыштӧм
торкас сьӧдасьӧм мӧвпъяс.
Кысук кок улын кургыштас.
Дзоля пиукӧй петас.

Керка бияслӧн югӧрыс
менсьым янӧдас лолӧс:
«Удитан на му мӧдарас.
Таладорын вай олышт!»