ОЛӦМЛЫ СЬЫЛАН

Шондіыс меліа сывъялӧ пуяссӧ,
нюмдӧмӧн окалӧ вежӧдӧм увъяссӧ.
Лысваа турунъяс тӧдлытӧг косьмӧны,
дзоридзьяс мойдын моз садьмӧны, воссьӧны.

Андел кодь лэбачьяс унзільпыр дзользьӧны,
вӧр-васа пемӧсъяс, гут-гагъяс ловзьӧны.
Керкаын гортсаяс чӧскыда узьӧны,
куйла жӧ чӧла, но синъяс оз куньсьыны.

Ме быдтор йылысь водз асылын мӧвпала,
выльысь лов пытшкӧсӧс кыла да тӧдмала.
Ывлаыс сэк быттьӧ гусятор тыдӧдӧ,
майбырӧй, олӧмсӧ сьыланӧн нимӧдӧ.