ПЫВСЯН ЛУН

Жӧлэб улысь новла пывсянэ
небыд зэр ва, сӧстэм ва.
Гор-мӧд чӧвта, колэ пывсьыны.
Гырысь пескен лӧдсала.
Горъя пывсяныс зэй тшынасе,
вӧдитчыны сьӧкыд сэн.
Гӧрдэдісны быдсэн синъясэ,
синва киссе розэбен.
Воймытэдзыс дыр на ломтыся.
Лабичъяссэ мыськала.
Пӧртэ кӧтэда выль коресьяс,
пывсян кола чышкала.
Первой жарсэ ачум сюреда,
пӧлки вылын ньылэдча,
коресяся, сьӧлэм бурмеда,
сяке сэтэн ылэдча.
Турунъясэн юрес пожъяла,
йӧгыд ваэн кисьтася.
Пасьтасиген ӧдва пояла.
«Пывси!» — гортын висьтася.
Маме мыччас менум пувъя ва:
«С лёгким паром! Пытшкас вод.
Вежсьы, нылэ, дзоньнад вазема!»
Шойчча — мыськем сёркни кодь.