ТЭ МЕНЫМ МУСА, СЫКТЫВКАР

Тэ меным муса, Сыктывкар,
кор паркын шаракылӧ ар
да кыӧ уна рӧма сер,
кор мича лунсӧ вежӧ зэр.

Тэ меным муса, Сыктывкар,
кор шонді тӧвся, абу яр,
кор юсьлӧн гӧн кодь усьӧ лым,
кор карса туйыс вольк да кын.

И тувсовъя, тэ вывті бур,
кӧть мыйта чизыр тӧлӧн дур!
Сэк югыд войыс шы ни тӧв.
Сэк лэбӧ мусукасян ньӧв.

Тэ меным муса, Сыктывкар,
кор шковгӧ-повзьӧдчӧ гым-чард,
кор пляжлӧн лыаыс зэв пым,
кор кодзув киссьӧ, быттьӧ кинь.

Тэ менам мӧдӧд чужанін,
и пытшкӧс гаж, и олӧм вын.