ЧОЛӦМ, КАРЕЛИЯ!

Сиа Наталья Антоновалы

Terve teil, Karjala! Чолӧм! Привет!
Со ми и аддзысим, китӧ мем сет.
Тӧдмасям, киасям, ёртасям вай,
сьӧлӧмсянь сёрнитам, юыштам тшай.

Нюръяс да ягъяс тан Комиын моз,
быдмӧны тшак, мырпом, пув-чӧд да оз.
Финн-йӧгра вужъясысь петімӧй ми,
ас чужан мунымлӧн муса ныв-пи.

Ас кыв да ӧбича, ас йӧзӧс видз,
дзоридзав, нэмъяс пыр ну ассьыд мич.
Быдмасны, сӧвмасны дзолюкъяс мед!
Terve teil, Karjala! Чолӧм! Привет!