КЫВБУРЪЯС

Кывбуръяс, кывбуръяс — пӧсь синва мольяс,
ті менам вужъяс пыр писькӧдчысь ёльяс.
Дыр жӧ ті сӧдзинныд, корсинныд вынъяс,
гожъялӧм асыв моз восьтінныд синъяс.

Банйӧм нянь тупӧсь кодь веж петан кывъяс,
дойлӧн да радлунлӧн йӧлӧга шыяс,
дыр жӧ ті кисьминныд лолын да юрын,
регыд ті вӧянныд олӧмлӧн нюрын.

Кывбуръяс, лӧсьӧдчӧй йӧз дорӧ петны,
кӧсйӧмъяс збыльмӧдны, вермӧмъяс сетны,
мусмӧдны сьӧлӧмъяс, бурмӧдны мӧвпъяс,
вӧвлытӧм рӧмъясӧн мичмӧдны вӧтъяс.