БАРА КАРСА АСЫЛЫС

Бара карса асылыс
мустӧм, сямтӧм, скӧр.
Мӧвпала ас сикт йылысь.
Сэтчӧ кӧсъя бӧр.

Ӧшинь дорын сулала.
Садьмӧ ывла выв.
Мичсӧ лолӧн гумлала.
Лӧсьӧда бур кыв.

Куварканъяс корсьӧны
ёгысь кынӧмпӧт.
Вензьӧны да ноксьӧны.
Мыйкӧ шедӧ, дерт.

Ылын-ылын — югыдін.
Лӧзов туйыс кын.
Гортын, кӧнкӧ, петӧ нин
пач трубаысь тшын.

Мӧвпала ас сикт йылысь.
Сэтчӧ кӧсъя бӧр.
Бара карса асылыс
мустӧм, сямтӧм, скӧр.