МИЯН ШКОЛА

Кельчиюр школалы — 100

Коркӧ нырдын, ниа пуяс пӧвстын,
сулалін тэ, югыд, шоныд, сӧстӧм.
Ӧдйӧ лэбисны урокъяс, лунъяс, войяс,
радейтана челядьдырся вояс.

Тэкӧд сӧвмим — коми ныв да пиян,
вӧлін, школа, мӧдӧд гортӧн миян.
Асывсянь да рытӧдз татӧн войлім,
позис кӧ, и войнас эськӧ волім.

Тэкӧд тшӧтш ми сералім и бӧрдім,
ӧта-мӧдлы дзоньвидзалун сетім.
Мывкыдсьӧдін, велӧдін да быдтін,
ньӧжйӧникӧн ыджыд миркӧд йитін.

Бурӧн сӧмын думъяс вылӧ волан.
Пыр тэ лоан сьӧлӧмын да лолын.
Мада школа, сиам зэв дыр овны,
дзоридзавны, озырджыкӧн лоны!