ЛЭБАЛАН КАРАББыдлаын ӧні зільӧны йӧз — Вӧчӧны лэбалан караб. Колӧ и миян, мукӧдын моз, Лӧсьӧдны Сыктывдінкарӧ. Миян эм: Луза, Удора вож, Кулӧмдін, Ижма-Печора; Быдлаӧдз ылын, чукыль да вож; Кӧмкотыд регыдӧн орӧ... Туйясӧн гӧльӧсь: унджыкыс вӧр, Пыралӧ нюрӧ да тодӧ; Быдлаӧд векньыд, вӧлӧн он тӧр; Поштаыд котралӧ подӧн... Кытчӧ кӧть мунны, оз нин ков туй — Лэбалан карабыд колӧ! Няйтӧ ни вӧрӧ сійӧ оз сюй — Ылӧ да регыдӧн волӧ. Сэтшӧм машина уна нин эм Мукӧд державаын ӧні; Колӧ и миян ӧктыны сьӧм, Чукӧртны ӧні жӧ, ӧні! Пукталӧй, вокъяс, ланьтны оз позь, — Кокньӧдас аслыным овны! Мӧд ногӧн, сідз жӧ, лоӧ кӧ кось — Врагъясысь ог кутӧ повны.
