ВЕЖ КУДРИА ПОНӦЛЬЯС

1. Ньывсер вильыш нывка моз
Висер юлань котӧртӧ.
Нӧрыс йылын мича коз
Понӧльяскӧд вашкӧдчӧ.

Припев:
Ворсӧ гудӧк «Шондібан»,
Сьылӧм-йӧктӧм сэн и тан.
Ыджыдвидзын, Висерын,
Типӧсиктын, Одыбын.

2. Висер ворсӧ эзысьӧн,
Ньывсер чойлы нюмъялӧ.
Чукыльӧн да мукыльӧн
Паськыд видзьяс мурталӧ.

Припев.

3. Водзын, парма пиянӧ,
Паськыд Эжва миян эм.
Чӧв оз овлы, гыалӧ,
Саридз ногӧн шыалӧ.

Припев.

4. Веж кудриа понӧльяс,
Шонділаньӧ нюжӧдчӧй.
Олӧмлӧн выль петасъяс,
Коми мортӧс гажӧдӧй.

Припев.