ВОТЧЫСЬЯС

Зонкаяс-варышъяс,
Кытчӧ ті ветлінныд?
Зонкаяс-вильышъяс,
Кӧні ті вӧлінныд?

Нывкаяс-гулюяс,
Огӧ ми сӧрӧй.
Нывкаяс-аканьяс,
Ветлім ми вӧрӧ.

Зонкаяс-вильышъяс,
Мый нӧ ті вотінныд?
Кутшӧм нӧ тшакъясӧн
Чуманъяс тыртінныд?

Кӧчьяслысь корыштім
Кӧчйӧла тшакъяс.
Уръяслысь вотыштім
Рысь кодь уртшакъяс.

Виж гобсӧ, гӧрд гобсӧ
Вотінныд энӧ?
Ягсерсӧ, ельдӧгсӧ
Корсинныд энӧ?

Мӧсгоб да-й рыжик на
Яг боксьыс сюри,
Вӧр-валы, доналы,
Аттьӧ ми шуим.