ТӦВСЯ ВӦРЫН

1. Ывла вылын турӧб дурӧ —
Ой, кӧдзыд.
Еджыд лымйӧ сатшӧма сьӧд
Вой, пемыд.
Пипу раскын кӧчиль олӧ,
Наян ручысь ёна полӧ:
Мед жӧ бара-й коньӧрӧс оз сёй.

2. Кӧнкӧ матын дзуртышталӧ
Лым, кылӧ
Кӧчильӧйлӧн сьӧлӧмыс нин
Кын, полӧ.
Дженьыд бӧж йылӧдзыс тірӧ,
Ёсь пиньяснас кын ньӧр йирӧ,
Думсьыс содтӧ кокӧньясас вын.

3. Дзормӧм коз пу гӧгӧр понӧль
Ді. Джуджыд.
Понӧль улӧд
Югнитіс гӧрд би — ручыд!
Кӧчильӧй синъяссӧ кунис,
Бадьяс костӧд суніс-муніс,
Наян ручысь пышйис кӧчильпи.