КӦДЗЫД ПӦЛЬЛӦН ОЛАНІН

1. Ылын-ылын войвылын,
Паськыд вой саридз дорын,
Йиа вой саридз дорын
Кӧдзыд Пӧльлӧн оланін.

2. Еджыд сьӧдбӧж, еджыд кӧч,
Еджыд саридз дорса рӧч,
Еджыд байдӧг, еджыд сюзь.
Войыс во джынйысь на кузь.

3. Пӧльлӧн гажа, югыд жыр
Троньгысь йиӧн-лымйӧн тыр.
Гӧгӧр сӧстӧм, гӧгӧр кос,
Гӧгӧр югыд йиа пос.

4. Регыд еджыд кӧръясӧн,
Паськыд парма-вӧръясӧд
Турӧб пӧчкӧд, сьылігтыр,
Воас Кӧдзыд Пӧль — гӧрд ныр.