КЫК ПРАЗДНИК

Зили-зёли, гули-голи,
Пӧрысь йӧзлӧн праздник коли — 
Ыджыд лун,
Ыджыд лун...
Сэки жыннян кӧть и бовгӧ, — 
Поп-дяк дінӧ сӧмын довгӧ
Пӧрысь йӧз,
Пемыд йӧз.
Коді оз тӧд налысь гажсӧ?
Найӧ сӧрӧны век важсӧ:
«Енмӧй, сет,
Енмӧй, сет!»
Попкӧд дуртӧг оз и овсьы, — 
Сытӧг Кристосыд оз ловзьы...
Чудеса,
Чудеса!..

***

Век тай кольӧ войыд-луныд,
Со и — гӧльлӧн «ыджыд луныд» — 
Первой Май,
Первой Май!
Сійӧ томлӧн аслас праздник:
Оз ков ризі ни пӧдрасник,
Оз ков поп — 
«Сьӧкыд ноп».
Оз ков «чудеса» ни вичко...
Оз тай пӧрысь йӧзӧс личкы
Комсомол,
Комсомол.
Налы поптӧг, дяктӧг овсьӧ,
Вера важыс — бырӧ, ловзьӧ — 
Коммунизм,
Коммунизм.