МИЯН КОМИ ВОРСАНЪЯС

1. Сера палич, гора палич
Ыджыд батьӧ вӧчлӧма.
Нянь тэльӧбыс ыджыд мамлӧн,
Пӧльӧ на козьнавлӧма.

ПРИПЕВ: Мича сера гуг и бан,
Ворсам гажа шондібан.

2. Сярган, сярган, вӧв сярган,
Чибӧясӧс повзьӧдлан.
Сярганӧн ме сярӧбта,
Шондібан жӧ ворсышта.

ПРИПЕВ.

3. Код нӧ кӧні тотшкӧдчӧ,
Коді мыйӧн котшкӧдчӧ?
Тутш-тотш менам ворсанӧй,
Гажаджыка ворсамӧй.

ПРИПЕВ.

4. Кыдз пу йӧгысь лэчыд пуртӧн
Батьӧ вундіс мича дар.
Зарни сюмӧд торйысь вӧчис
Меным ворсантор – шур-шар.

ПРИПЕВ.

5. Пу жыннянлӧн гора шыяс
Став лёксьыс мед видзасны.
Ворсыштам кӧ зонъяс, нывъяс,
Гажа шыяс юргасны.

ПРИПЕВ.

6. Дзоляӧсь кор вӧлӧмаӧсь
Миян пӧльяс, пӧчьясным,
Сартасъясӧн ворслӧмаӧсь.
Ӧні ворсам ми асьным.

ПРИПЕВ.

7. Ворсан табъяс, дзольганъяс,
Чипсанъяс да пӧлянъяс,
Буксанъяс да тарганъяс —
Миян коми ворсанъяс.

ПРИПЕВ.