КӦДЗЫД ПӦЛЬЛӦН СЬЫЛАНКЫВ

1. Ылі вой саридзсянь локті
Юяс, шоръяс посйигмоз.
Дона челядьлы ме вайи
Мича ёлка — лапъя коз.

2. Ыджыд нопйын уна козин:
Чӧскыдтор да ворсантор,
Тані, гажа ёлка дорын
Сьыланкыв мед эз вӧв нор!

3. Кӧдзыд пӧльысь энӧ полӧй!
Кӧть и кӧдзыд ме, но шань.
Нолтӧ, гажаджыка олӧй,
Сьылышт Машук, йӧктышт Вань.

4. Гудӧкасьысь «Шондібантӧ»,
Нолтӧ, гажаджыка сьыв.
Гажӧдыштӧй Кӧдзыд пӧльӧс,
Энӧ полӧй, ог ӧд сыв.