ГАЖА ЁЛКА

1. Кытысь тайӧ лапъя козйыс
Миян дорӧ воӧма,
Еджыд тошка кӧдзыд пӧльӧ
Гашкӧ, сійӧс вайӧма?

ПРИПЕВ:
Вайӧма, вайӧма,
Кӧдзыд пӧльӧ вайӧма.
Вайӧма, вайӧма,
Кӧдзыд пӧльӧ вайӧма.

2. Коді тайӧ пашкыр козсӧ
Ёлочкаас пӧртӧма,
Мича рӧма чачаяссӧ
Ёлка вылас ӧшлӧма?

ПРИПЕВ:
Ӧшлӧма, ӧшлӧма,
Кӧдзыд пӧльӧ ӧшлӧма.
Ӧшлӧма, ӧшлӧма,
Кӧдзыд пӧльӧ ӧшлӧма.

3. Тайӧ гажа ёлка дорас
Коді сьылас-гажӧдчас,
Коді йӧктас-гажӧдчас,
Кӧдзыд пӧлькӧд ворсыштас?

ПРИПЕВ:
Тайӧ ми, тайӧ ми
Ёлка дорас гажӧдчам.
Тайӧ ми, тайӧ ми
Кӧдзыд пӧлькӧд ворсыштам.