ЧУЖАН МУТӦ ВИДЗ

1. Чужан мулысь Енмӧн сетӧм мич,
Муса пиӧй, синтӧ моз жӧ видз.
Чужан муыд дзоридзалас мед,
Некор сійӧс дойдавны эн сет.

ПРИПЕВ:
Сёльгӧ-дзольгӧ, ворсӧ эзысь шор,
Кыпыд, гажа сылӧн сьылан гор.
Абу гажтӧм сылы пемыд вӧр,
Вермас кӧ, эськӧ бергӧдчас бӧр.

2. Берег пӧлӧн быдмӧ уна коз.
Козъяс вылас кисьмӧ коляоз.
Вылӧ лэптӧ юрсӧ пожӧм пу.
Дзоридзалӧ-ловзьӧ чужан му.

ПРИПЕВ:
Сёльгӧ-дзольгӧ, ворсӧ эзысь шор,
Кыпыд, гажа сылӧн сьылан гор.
Абу гажтӧм сылы пемыд вӧр,
Вермас кӧ, эськӧ бергӧдчас бӧр.

3. Еджыд кыдзлӧн потӧма нин гар,
Мыччысьӧ со, быдмӧ ловъя кор.
Паськӧдӧма сус пу ассьыс сыв,
Чӧскыд дукӧн тыртӧ ывла выв.

ПРИПЕВ:
Сёльгӧ-дзольгӧ, ворсӧ эзысь шор,
Кыпыд, гажа сылӧн сьылан гор.
Абу гажтӧм сылы пемыд вӧр,
Вермас кӧ, эськӧ бергӧдчас бӧр.

4. Чужан муыд сетӧ ыджыд вын
Сылы, кодлӧн сьӧлӧм абу кын.
Сетӧ чужан муыд ыджыд сям
Сылы, кодлы сійӧ муса мам.

ПРИПЕВ:
Сёльгӧ-дзольгӧ, ворсӧ эзысь шор,
Кыпыд, гажа сылӧн сьылан гор.
Абу гажтӧм сылы пемыд вӧр,
Вермас кӧ, эськӧ бергӧдчас бӧр.