«ГЫЛЫД»

Некысь вӧлі тан оз сюр
Поёлса кодь самӧкур,
Чорыд, югыд, чӧскыд дук.
Юыштан да, толькӧ: «рук!»
Няньяс сэні эз вӧв дона,
Мыйта колӧ — майбыр, пу!
Вина вийӧдлісны ёна,
Кытчӧ колӧ — сэтчӧ-й ну...
Эз тай ло тадз сэні век.
Поёлсаӧс суис грек,
Друг Путекле карсянь — зур!
Чипӧстіс сэк самӧкур...
Лёкысь равӧстіс «Веж Змей»:
«Ой-я, ой-я, аминьӧй!»
Поёлӧд кык сутки чӧж
Лун и вой ветлӧдліс йӧз.
Тыри дзикӧдз исполком,
Лои койыштны эмбур:
Сё ветымын ведра шом,
Сё квайтымын парта кур;
Вина градус — комын вит,
Сюрис морт нелямын вит,
Вина вӧчаныс дас вит,
Быд чугун — пуд нёль-ӧ-вит.
Ӧні сэн народнӧй суд
Пуктіс кодлысюрӧ пуд,
Вӧтліс этша вина чад — 
Палявны важӧн нин кад!