ТӦВСЯ КЫЙСЬӦМ

Батьлӧн писькӧдчаныс бур,
Сы вӧсна и шусьӧ — бур.
Вӧчас ӧти розь дай мӧд,
Йиыс кыз, но мудз оз тӧд.
Ичӧт юкмӧс артмас мыйӧн,
Сэтысь черисӧ ме кыя.
Лэпта ёкыш, лэпта мык,
Шедлӧ ӧтпырйӧ и кык.
Тадзи вуграсям лунтыр,
Кытчӧдз шондіыс оз пыр.
Сэсся шуас меным бать:
— Тырмас, пиук, китыр гадь.
Тэ со лэптін комын душ,
Менам кыйдӧс дозйӧй куш.
Мамыд юалас, мый керим,
Сійӧс ылӧдны оз позь.
Шуа: тэнад комын чери,
Менам — йиын комын розь.