ЛАЧАА ЗЭР

Лунтыр зэрӧ, зэрӧ,
Кор нӧ эськӧ кобас?
Шогӧ усис Вера,
Гажтӧмтчӧ и Стёпа.

Гожӧм бӧрӧ коли,
Зэрыс кӧдзыд вайӧ.
Кыввор воштіс Коля,
Нормис тшӧтш и Рая.

Ӧтнас Ӧньӧ сӧмын
Уличысь оз пырав.
Кӧтасьӧм пась-кӧмӧн
Нӧшта шӧйтас дыр-ӧ?

Регыд нин пӧ школа,
Сэтчӧ, жаль, ог веськав.
Быдмыштны пӧ колӧ
Кӧть нин муртса эськӧ.

Дэбыд зэра луныс
Вынсьӧдыштас менӧ,
Садикысь мед мунны —
Гажтӧм лои сэні.