КӦЗЯЙКА

Тэныд колӧ юмов чай кӧ,
Сӧмын пӧжалӧм на торт,
Талун гортын ме кӧзяйка —
Лок да чӧсмась, дона морт.

Важӧн ваймис менам пачӧй,
Важӧн пелькӧді став жыр.
Мамлӧн уджалігӧн тадзи
Ме пӧрадок кута пыр.

Мый кӧть ачым зэв на ичӧт,
Некод эльтчӧмӧн оз дойд.
Колӧ кӧ, и кага видза,
Колӧ кӧ, и мойда мойд.

Кага видзны эм и лайкан,
Льӧльӧ эм, и пусис рок.
Талун гортын ме — кӧзяйка,
Кытчӧдз мамӧ оз на лок.