ВӦРСА СТӦРӦЖ

Веня да Сеня, да Геня
Кылісны вӧр діысь кеня.
Некод эз аддзыв сьӧд сизьтӧ,
Чайтісны, пуӧ мый сизьдӧ.

Сӧмын тай лэбачыс тайӧ
Горзыны кутіс ас пайыс:
— Кхе-ня, кхе-ня, кхе-ня,
Тусьсӧ менсьым эн ням!
Чуймисны Веня да Сеня,
Муртса эз весьӧпӧр Геня.

Нимъяссӧ ставлысь эз тӧд кӧ,
Кыдзи нӧ вежӧртіс пӧтка,
Тусьла мый пармаас воим,
Виччысьтӧг серамвыв лоим.

Эз тай коль казявтӧг кеня:
Веня да Сеня, да Геня
Чӧдсӧ, кӧть сійӧ и шома,
Доз пыдди тойлісны вомас.