БУБЫЛЯ

Челядь жырйын жугыля
Тапикасьӧ бубыля.
Черань везйӧ крукасяс,
Буса стенӧ люкасяс.
Озйӧмсорӧн тотшӧдас
Ёгӧн тырӧм джоджӧдыс.
Бӧрдӧ: — мездӧй со менӧ,
Ӧдзӧсыс ӧд томана.

Тайӧ Коля Касевыс,
Тайӧ Липин Васяыс
Лунтыр мекӧд ворсісны,
Чеччалісны, горзісны.
Дурисны да ышмисны,
Бӧръяпомыс дышмисны.
Пелькӧдчытӧг мунісны,
Чачаясыд вунісны.

Колисны со ӧтнамӧс,
Кыдз нӧ шогӧс вӧтла ме?
Идӧртӧм зонпосникӧд
Мӧдысь ог кут ворснытӧ,
Коркӧ гӧбӧч розьӧдыс
Найӧс ёна повзьӧдла.