БӦРД, НЫВБАБА

Кор бӧрдӧ мужичӧй, ме гӧгӧрвоа сійӧс,
И сьӧлӧм сета, чургӧда пыр киӧс.
Кор бӧрдӧ нывбаба, ог сяммы нинӧм вылӧ
И, помся майшасиг, ме гусьӧникӧн ...сьыла.
	Мед бӧрдас нывбаба! Мед кыз синваӧн бӧрдӧ,
	Кор мунас верӧс либӧ сотчас горт,
	Кор вез моз дзугсяс олӧмыслӧн шӧртыс,
	Кор швачкас-вартас шогыслӧн сьӧд борд.
Мед сьӧлӧмыд оз косьмы да оз чорзьы,
Пыр колӧ сійӧс кӧтӧдыштантор.
Вай бӧрд жӧ, нывбаба, вай бӧрд жӧ дзик быдторсьыс,
Ӧд олӧм вежсяс, дугдан бӧрдны кор.