АСЫВ

Ылӧ-ылӧ, ласта чуркъяс вылӧ
Чужан сиктлӧн садьман горыс кылӧ.
Ӧмидз юма, лежнӧг рӧма асыв
Югыд мичнас ловзьӧдӧ вӧр-васӧ.

Менам сиктӧй, менам сиктӧй шонді паныд,
Ок и кыпыд жӧ нин овны-вывны тані.
Менам сиктӧй, менам сиктӧй лунсӧ панӧ
Медся мыла сьыланкывйӧн — «Шондібанӧн».

Талапӧлын, мӧдлапӧвса ольын,
Лайкыд юыс весьтын дзольгӧ колип.
Улич пӧлӧн чӧла мунӧ руыс —
Чышъян пӧрччӧ войпукалысь муыс.

Удал зонка дасьтӧ коса бала,
Винёв нывка лэччӧ ключа вала.
Пӧсь нянь кӧрӧн тыри мамлӧн керка...
Ставыс тайӧ — чужан сиктлӧн серпас.

Менам сиктӧй, менам сиктӧй шонді паныд,
Ок и кыпыд жӧ нин овны-вывны тані.
Менам сиктӧй, менам сиктӧй лунсӧ панӧ
Медся мыла сьыланкывйӧн — «Шондібанӧн».