ГУЛЮ ПОЗ

Вичко лӧскын гулюяслӧн позйыс,
Бара сэні тӧвйӧ лэбач гозъя.
Кокасясны йӧза улич вылын,
Сэсся лунтыр лӧня кургӧм кылӧ.

Чикыш-чавканӧс моз кӧдзыдыд оз повзьӧд,
Гозъялы и тані бура овсьӧ.
Дурӧ турӧб, камгӧ пашляк яра,
Но оз ковны пальмаяс ни саридз.

Эбӧс тырмӧ гӧгӧртны кӧть мусӧ,
Но ӧд чужаніныд медся муса.
Асъя жыннянъяслӧн звӧнысь садьмысь мичыс
Ичӧт сьӧлӧм вӧрзьӧдӧ нин сідзи.

Гулыд ягас, енэжувса отас
Сынӧдыс и пӧтӧса, и кода.
Тулыс воас — дзоридзьяса, розъя,
Дзонь оркестрӧн шызяс гулю позйыс.