ВОДЗӦС

Швуч да швич, швуч да швач,
Важӧн ваймис пывсян пач.
Но кор горъяс коян васӧ,
Жарсьыс пельыд гартчас нач.

Вылыс джадж сотӧ кадж,
Батьӧ кымыня, то гатш.
Пӧттӧдз корӧсяла сійӧс,
Оз кӧ горшӧ жарыс сатш.

Киын гадь, бырӧ садь,
Вир-яй доналӧ и стать,
Муртса ыркӧдчышта кӧджын,
Виччысь, выльысь коя, бать!

Швуч да швич, швуч да швич,
Ог и сетлы сылы лич,
Киын корӧсь сӧмын ворсӧ,
Батьлысь водзӧс перъя сідз.

— Ак да ок, ак да ок,
Лигышмунӧ ки и кок,
Тырмас, тырмас, дугды, пиӧ,
Ме ог пывсьы сэсся, ог!

Сӧмын тай ассьым пай,
Пыр на ӧвтча, коя дай.
Ньӧръявлін кыдз вильшасигӧн,
Батьӧ, ӧні казьтышт вай.