ЭСКӦМ

И тӧлыс татшӧмыс вӧлі, тӧлыс
И турӧбыс тадз жӧ дурис.
Ме шоныд виччыси чӧла
Да эски бурас.
	Кор пачын эз коль нин пескыс,
	Кор бӧръя ӧгырыс ваймис,
	Пыр тэнад шоныдӧ эски,
	Да сорси тай ме.
Эз разав поздысьӧм ыркыд,
И йирмӧгыс важ ног нюліс.
Эз гыӧрыс лолысь пыркав,
Кӧть воис тулыс.
	Ме эски, ме куті лача,
	Ме шоныдсӧ Енлысь кори,
	И талун на сӧмын аддзи,
	Кыдз ловзьыны кутіс надзӧ
	Тэӧн пуктылӧм дзоридз.