КОКНЬӦД

Батьӧ козьналіс планшет,
Менӧ кокньӧдыштны мед.
Сӧмын небӧгъясыд помысь
Мортыд тэысь пӧ оз пет.

Ӧні пӧ компьютер нэм,
Озджык песны ков юр вем,
Личкин колана кизь вылӧ —
Аддзан абу мый и эм.

Телевизорыд оз ков,
Видзӧд, мыйсӧ корӧ лов.
Кӧсъян — гижась, кӧсъян — снимайт,
Ӧтуввезйӧ пыр, эн пов.

Тайӧ эськӧ, батьӧ, бур,
Сэсся ог нин вильшась, дур, —
Менам воча сэки шусис, —
Но тай колан кизь оз сюр.