КЫЙСЬЫСЬ НЫВ

Серавлӧны менӧ:
Нывка чери кыйӧ!
Но ог сюртчы венӧ,
Дӧзмынысӧ мыйысь?

Кодкӧ вурӧ-кыӧ,
Кодкӧ сьылӧ-йӧктӧ,
А ме вадйысь-тыысь
Мык да ёкыш ӧкта.

Тайӧ мен — лов кокньӧд,
Рочӧн хобби шусьӧ.
Мудз ог тӧд ни, шог ни,
Кодыр кыйся юсьыс.

Медым сэні эльтчӧ
Йӧрын ворсысь челядь.
Талун шедас кельчи,
Аски — сиг да пелядь.

Олӧмын тшӧтш тадзи,
Вуграсьӧм жӧ быттьӧ:
Эм кӧ тэнад лача,
Везитас на бытьӧн.