ЛӦСЯЛӦМ

Нёльӧд классысь — Оля,
Витӧдысь — Егорка.
Ёртасьӧмсӧ налысь
Мыйкӧ ӧмӧй торкас?

Школаӧ век ӧтув
Мӧдӧдчӧны найӧ.
«5»-яс тыра нопсӧ
Нывлысь зон жӧ вайӧ.

Гуляйтны кӧть ворсны
Ӧта-мӧдтӧг некыдз.
Дзерӧдчӧ кӧ кодкӧ,
Зонка мездӧ сэки.

Кадыс водзӧ мунӧ.
Верстяммасны коркӧ
Нёльӧд классысь Оля,
Витӧдысь Егорка.

Но оз кусӧд нинӧм
Лӧсялӧмлысь битӧ,
Ичӧтик кык мортлысь
Медводдза пӧсь йитӧд.