ТӦЖД-МОГ

Дзик нинӧм киясӧ оз пыр,
Весь бовъяла, ог аддзы инӧс.
А могыс водзын — юр выв тыр,
Да оз тай артмы дзик-дзик нинӧм.

И весиг йӧзлы кӧсйӧмтор
Ог слӧймы вӧчны, кыска, кыска.
Но кодыр уджыс пом ни дор,
Оз отсӧг чукты весиг кыськӧ.

Мый тайӧ — дышмӧм али мудз?
А, чӧжсьӧм веськодьлун нин, гашкӧ!
Кор гырддза курччыны он судз,
Кӧть шӧрипельӧ асьтӧ чашкӧд.

Тӧжд-могыс ӧкмӧ, и оз быр,
Лун-вой тадз кольӧ, майшӧг лолӧн.
И век жӧ эскӧм эз на быр,
Мый ылӧсас ог чужъяв олӧм,
Мый могыс водзын — юр выв тыр,
Мый му вылас ме, сідзкӧ, кола.