ВОЙ ТӦВ

Кӧні вой тӧлыс лэбалӧ,
Чизыр Войвывлӧн лэбулын,
Ассьым шудӧс ме шепала,
Шоныд му мен оз ков.

Асъя кыакӧд чечча да,
Ота ю дорӧ лэчча да,
Вир-яй вундыштас лэчыда
Вой тӧв вӧрзьӧдас лов.

Сэтшӧм ыркыд тэ, вой тӧлӧй,
Весиг синваӧй войталӧ.
Но пыр Комиын койта ме,
Бать-мам муӧс ог веж.

Канаваӧ и Кадамӧ
Вола быд прӧстджык кадӧ ме.
Вотча-кыйся пыр ладӧн ме,
Кӧн Тиманыслӧн креж.

Чужанінӧйлысь мичьяссӧ,
Парма-ягсӧ и видзьяссӧ,
Сьӧлӧм бердын век видза со,
Майбыр, лӧсьыд жӧ тан.

Уджтӧ вӧчан да кыпыда
Гудӧк морӧсад кыпӧдан,
Дзик быд сьӧлӧмӧдз лыбӧдан
Яр да збой «Шондібан».