ВУГРАСЬЫСЬ АНЬ

Аддзӧмыд тай: чери кыйысь баба,
Тайӧ ӧмӧй чуймӧданатор?
Кутшӧм коми сиктын сійӧ абу,
Кыйсьывлісны аньяс век, кӧть кор.

Колкоз дырйи, сьӧкыд война кадӧ,
Ботайтчисны, езасьлісны ^Езасьны — кыйсьыны ветельӧн, гымгаӧн./^ пыр.
Тывъясьлісны мужикъяскӧд радын,
Но эз вылӧ лэптывлыны ныр.

Со пӧ олӧм кутысьясыс кодъяс,
Пызанным пӧ тӧкӧтьӧ оз чег.
Некор кушӧн кыйдӧсъяс ог вотйӧй,
Гежӧдика кайлам лавка содйӧд
Сорас вылӧ ньӧбны кильки, хек.

Вуграсьӧ кӧ нывбаба, и мый нӧ?
Сылы татӧг нитшка олӧм — руд.
Зарни чери, гашкӧ, кӧсйӧ кыйны,
Медым корны сылысь тӧлк да шуд.