АДДЗЫСЬӦМ

Войбыд, лунтыр тӧлалӧ,
Енэж лым чир чӧлалӧ,
Подалы и вӧлалы
Зуркыд кынмӧм туй.
Но дзик аслам ордымӧд
Нырчча-зіля гортӧ ме,
Быттьӧ мышкын борда ме,
Майбыр, абу руй.

Ог и артав стӧчасӧ,
Кытшов кымын вӧча со,
Но ӧд мамлӧн ӧдзӧсӧ
Тотшкӧдча нин здук.
Мамлы копыр чӧвтышта,
Гуся синва ӧвтышта,
Аттьӧ, буркыв лӧвтышта,
Коді ӧні тшук.

Менам дона мортанӧй,
Шензя: збыльысь гортын-ӧ,
Бӧрын-ӧ кузь ордымӧй,
Туйыс, коді кын.
Челядьдырӧ суні мӧй?
Нинӧм абу вунӧма!
Кӧсъя мамлы шуны ме:
Сьӧкыд нопсӧ нуны мед
Енмыс сетас вын.